आज देशातील लोकसंख्या दिवसेंदिवस वाढत आहे. तस तसा रोजगाराचा प्रश्नही भेडसावत आहे. नोकऱ्यांची मागणी व उपलब्धता यात मोठे अंतर निर्माण झाले आहे. तरूण/तरूणींची धावपळ / स्पर्धा वाढत आहे. कुटुंबप्रमुखाचे / गृहिणींचे बजेट विस्कळीत झाले आहे. या सर्व परिस्थितीचा सामना करण्यासाठी स्वयंरोजगार हाच पर्याय दिसतो आहे. आपल्यातील छंद व आवडीचे रोजगारात रूपांतर होणे गरजेचे आहे. या स्पर्धेच्या युगात गृहिणीसुद्धा पुढे आहेत. अनेक गृहिणींनी बचत गटाच्या माध्यमातून स्वयंरोजगार निर्माण करून आपल्या कुटुंबाची आर्थिक बाजू बळकट केली आहे. शासन आणि स्वयंसेवी संस्थांच्या माध्यमातून महिला बचत गटांकरिता अनेक योजना राबविण्यात येत आहेत. कर्जपुरवठा, प्रशिक्षण, प्रदर्शनी इत्यादींचा यात समावेश आहे.